لاہور (نمائندہ جسارت) لاہور ہائیکورٹ کے جسٹس شاہد کریم نے کالعدم جماعت پر غداری کا مقدمہ درج کرانے اور دھرنے ختم کرانے کی درخواست کے قابل سماعت ہونے پر فیصلہ محفوظ کر لیا، غیر ضروری درخواست دائر کرنے پر عدالت نے درخواست گزار کی سرزنش کردی۔ درخواست میں وفاقی حکومت ،پنجاب حکومت سمیت دیگر کو فریق بنایا گیا، درخواست گزار نے مؤقف اختیار کیا کہ ملک میں امن و امان کی صورتحال خراب ہو چکی ہے شہری اذیت کا شکار ہیں،کالعدم جماعت نے قانون کو ہاتھ میں لے رکھا ہے ، کئی قیمتی جانیں جا چکی ہیں، عدالت حکومت کو کالعدم جماعت کیخلاف غداری کا مقدمہ درج کرنے کا حکم دے،کالعدم جماعت کے دھرنے سے کتنی قیمتی جانیں گئیں تفصیلات منگوائی جائیں۔