وارسا (انٹرنیشنل ڈیسک) پولینڈ کا کہنا ہے کہ اس نے سیکڑوں مہاجرین کی بیلاروس سے غیر قانونی طورپر ملک میں داخل ہونے کی کوششیں ناکام کر دیں۔ امریکا اور یورپی یونین نے اس منظم مہاجرت کے لیے بیلاروس کو مورد الزام ٹھہرایا ،جس کے بعد پولینڈ اور بیلاروس کے درمیان سرحد پر مہاجرین کا تنازع شدت اختیار کرگیا ہے۔ نیٹو کا کہنا ہے کہ صدر الیگزینڈر لوکاشینکو کی حکومت مہاجرین کو سیاسی آلہ کے طور پر استعمال کر رہی ہے ۔