اسلام آباد: ایف بی آر نے ٹیکس چوری روکنے کے لئے ان لینڈ ریونیو انفورسمنٹ نیٹ ورک تشکیل دیدی جو کہ پشاو رسمیت ملک بھر کے مخصوص روٹس پر ڈیوٹی ٹیکس کی چوری روکنے کے لئے پیٹرولنگ کریگی اور گاڑیوں کی چیکنگ کریگی۔
ایف بی آر ذرائع کے مطابق اس حوالے سے موبائل سکواڈ تشکیل دے دیئے گئے ہیں جن میں سینئر آڈیٹر ز ، انسپکٹر ، ان لینڈ ریونیو ، آڈٹ آفیسرز شامل ہو نگے جو کہ شوگر ، سیمنٹ ، سگریٹ سمیت دیگر کاروباری شعبے میں ٹیکس چوری روکیں گے اور موبائل سکواڈ ز گوداموں میں پڑے مال کو بھی چیک کر سکیں گے۔
پشاور ، صوابی ، مانسہرہ ، بونیر سمیت دیگر علاقوں کے مخصوص روٹس پر موبائل سکواڈ پیٹرولنگ کریگی ۔