چندی گڑھ (انٹرنیشنل ڈیسک) بھارتی ریاست ہریانہ میں انتہا پسند ہندوؤں نے کھلی جگہوں پر مسلمانوں کو نماز جمعہ سے روک دیا۔ ہریانہ کے علاقے گڑگاؤں میں انتہا پسند ہندوؤں نے کھلی جگہوں پر مسلمانوں کی جمعہ کی نماز رکوا دی۔ شرپسندوں نے گڑگاؤں کے سیکٹر 12 اے میں واقع ایک جگہ پر قبضہ کر لیا، اور وہاں گائے کے گوبر کے اپلے ڈال دیے ہیں۔ اس مقام کی تصاویر بھی سامنے آ ئیں، جن میں دیکھا جا سکتا ہے کہ لوگوں نے وہاں ڈیرہ جما لیا ہے۔گزشتہ ہفتے اس جگہ پر انتہا پسند ہندوؤں نے پوجا کا انعقاد بھی کیا تھا، جس کے لیے انہوں نے زمین پر گوبر کے اپلوں سے مورتی بنائی تھی۔ ان کی شر پسندی کی وجہ سے مقامی مسلمان میدان میں نماز جمعہ ادا نہیں کر سکے۔