اسلام آباد: پاکستان ٹیلی کمیونیکیشن اتھارٹی نے ویڈیو شیئرنگ ایپلیکیشن ٹک ٹاک کو بحال کر دیا ہے۔
پی ٹی اے کی جانب سے اعلامیہ جاری کردیا گیا ہے جس میں کہا گیا ہے کہ ٹک ٹاک کی بحالی کے لیے پی ٹی اے مسلسل ٹک ٹاک انتظامیہ سے رابطے میں تھی، انتظامیہ نے اپیلیکیشن سے غیر اخلاقی مواد ہٹانے کی یقین دہانی کرائی ہے۔
پی ٹی اے کا کہنا ہے کہ ٹک ٹاک سروسز بحال کرنے کے بعد اسے مسلسل نگرانی میں رکھا جائے گا۔
خیال رہے کہ پی ٹی اے نے عیدالاضحیٰ کے موقع پر ٹک ٹاک ایپلیکیشن کو بند کیا تھا۔