بحرین میں عرب دنیا کے سب سے بڑے چرچ کا افتتاح

منامہ (انٹرنیشنل ڈیسک) بحرین میں عرب خطے کا سب سے بڑا چرچ عوام کے لیے کھول دیا گیا۔ کیتھڈرل آف آر لیڈی آف عربیہ نامی یہ چرچ بحرین میں تعمیر کیا گیا ہے۔ بحرین کے رہایشی اور چرچ کے پادری شربل فیاض کا کہنا ہے کہ ہم اس چرچ کے لیے بہت خوش ہیں۔ اس چرچ میں 2300 افراد کی جگہ ہے۔ بحرین میں 80ہزار کیتھولک عیسائی موجود ہیں، جن میں سے زیادہ تر ایشیائی ممالک بھارت اور فلپائن سے تعلق رکھتے ہیں۔ اس چرچ کی تعمیر کے لیے شاہِ بحرین نے زمین فراہم کی تھی۔ خیال رہے کہ خلیج کے خطے میں بین المذاہب آہنگی کے نام پر غیرمسلموں کی عبادت گاہوں کی تعمیر تیزی سے جاری ہے۔