اسلام آباد: وزیر اعظم عمران خان نے الیکشن کمیشن کی اسکروٹنی کمیٹی کی رپورٹ کا خیر مقدم کردیا۔
سماجی رابطے کی ویب سائٹ ٹوئٹر پر وزیر اعظم عمران خان نے کہا کہ الیکشن کمیشن کی پاکستان تحریک انصاف کی فنڈنگ کی اسکروٹنی کا خیر مقدم کرتا ہوں، جتنے ہمارے اکاؤنٹس کی اسکروٹنی ہوگی حقیقت عوام کے سامنے آئے گی۔
وزیراعظم نے کہا کہ پی ٹی آئی واحد جماعت ہے جو سیاسی فنڈ ریزنگ سے چل رہی ہے، پاکستان پیپلز پارٹی اور مسلم لیگ (ن) کی فنڈنگ کی جانچ پڑتال کا منتظر ہوں۔
عمران خان نے کہا کہ قوم حقیقی سیاسی فنڈریزنگ، مفادات اور بھتہ خوری میں فرق دیکھے گی، یہ عوام کے سامنے سیاسی فنڈ ریزنگ اور سرمایہ دارنہ کے مفادات کے تحفظ کو بے نقاب کرے گی۔
انہوں نے کہا کہ عوام دیکھے گی کیسے سرمایہ داروں کے ذاتی مفادات کا تحفظ کیا جاتا ہے۔
I welcome ECP’s scrutiny of PTI’s funding through donations from Overseas Pakistanis. The more our accounts are scrutinised the more factual clarity will emerge for nation to see how PTI is the only political party with proper donor base premised on proper political fundraising.
— Imran Khan (@ImranKhanPTI) January 5, 2022