لاہور(جسارت نیوز)انٹرنیشنل باکسر عثمان وزیر کامیاب جوان اسپورٹس ڈرائیو پروگرام کے ایمبیسیڈر بن گئے۔ بدھ کو وزیراعظم کے معاون خصوصی برائے امورنوجوانان عثمان ڈار سے ورلڈ باکسنگ کونسل مڈل ایسٹ چمپیئن عثمان وزیر نے ملاقات کی۔ ملاقات کے دوران عثمان ڈار نے باکسر عثمان وزیر کو شاندار کامیابی پر مبارکباد دی۔ معاون خصوصی عثمان ڈار نے کہا کہ عثمان وزیر کامیاب جوان اسپورٹس ڈرائیو پروگرام میں ہمارے باکسنگ ایمبیسیڈر ہوں گے۔
