حیدرآباد(اسٹاف رپورٹر) حیدرآباد میں چوری ڈکیتوں کی واردات میں کمی نہ آسکی یونٹ نمبر 4 لطیف آباد میں ڈاکٹر اشہر حسین کے گھر میں پانچ مسلح افراد اسلحہ کے زور پر گھر والوں کو یرغمال بنا کر 10 تولہ زیورات سونا دس ہزار روپے نقدی،6 عدد موبائل فون چھین کر فرار ہوگئے۔ صبح سویرے فورٹ تھانے کی حدود میںشہر کی سب سے بڑی ٹریکٹر مارکیٹ میں نامعلوم موٹرسائیکل سوار چور داخل ہوئے اور الکریمی آٹوز،شاہد آٹوز اور المصطفیٰ آٹوز کے تالے توڑ کر دکانوں
میں موجود بیٹری سمیت قیمتی سامان اور ہزاروں روپے چوری کرکے باآسانی فرار ہوگئے۔