سیئول (انٹرنیشنل ڈیسک) جنوبی کوریا کے جنوب مغربی شہر گوانگجو میں زیر تعمیر عمارت کی بیرونی دیوار گر نے سے ایک مزدور زخمی اور 6افراد لاپتا ہو گئے۔ واقعہ دارالحکومت سیئول سے تقریباً 330 کلومیٹر جنوب میں گوانگجو میں تعمیراتی مقام پر پیش آیا۔ امدادی کارروائیوں کے دوران سڑک کے کنارے کنٹینر میں پھنسے 2 افراد کو بچا لیا گیا۔ریسکیو ٹیم نے پہلی منزل پر کام کے دوران ملبے کی زد میں آکر زخمی ہونے والے شخص کو بچالیا،جب کہ 6لاپتا افراد کی تلاش جاری ہے۔ ملبہ گرنے سے 10 گاڑیاں ملبے تلے دب گئیں۔