مقبوضہ بیت المقدس (انٹرنیشنل ڈیسک) اسرائیلی حکومت نے ساڑھے 3کروڑ ڈالرکے منصوبے کی منظوری دی ہے ، جس کا مقصد دیوارالبراق کے تاریخی تشخص کو‘ تبدیل کرنا ہے۔ دیوار براق مسجد اقصیٰ کی مغربی دیوار سے متصل ہے۔قابض حکومت کی طرف سے جاری کردہ معلومات کے مطابق منصوبے کے تحت بنیادی ڈھانچہ تعمیر کیا جائے گا۔ دیواربراق کے داخلی اور خارجی راستے کھولے جائیں گے اور اسے پبلک ٹرانسپورٹ سے منسلک کیا جائے گا۔ اس کے علاوہ یہودی طلبہ کی حوصلہ افزائی کے لیے تعلیمی پروگرام تیار کیے جائیں گے۔ صہیونی اقدام کی اہمیت کا اندازہ اس سے کیا جاسکتا ہے کہ منصوبے کے بجٹ میں وزیر اعظم کے دفتر، دفاع، تعلیم، خزانہ، داخلہ، نقل و حمل، سیاحت، ثقافت، کھیل، ٹیکنالوجی، امیگریشن اور شن بیٹ کی وزارتوں کی مختص رقم سے کٹوتی کی جائے گی۔ اسرائیلی وزیر اعظم نفتالی بینیت نے اپنے بیان میں کہا کہ 5سالہ منصوبہ یہودی آباد کاروں کے لیے مقدس ترین اور اہم ترین مقامات کی زیارت کے لیے بنیادی سفری ڈھانچہ فراہم کرے گا۔ اس سے بہت سے دوسرے زائرین کی آمد میں مدد ملے گی۔
The post دیوار براق کو یہودیانے کیلیے ساڑھے 3کروڑ ڈالرکی منظوری appeared first on Daily Jasarat News.