مقبوضہ بیت المقدس (انٹرنیشنل ڈیسک) فلسطین کے مقبوضہ شہر رملہ میں کار بم دھماکے میں یہودی آبادکار زخمی ہوگیا۔ عبرانی میڈیا کے مطابق 1948 ء کے مقبوضہ فلسطین کے مرکز میں واقع بستی میں کار بم دھماکا ہوا۔ زخمی کو اسرائیلی کاپلان اسپتال میں انتہائی نگہداشت کے یونٹ میں منتقل کر دیا گیا ہے۔ قابض پولیس نے دھماکے کی چھان بین شروع کر دی ہے اور واقعے کے پس منظر کا جائزہ لینے کے لیے نتائج جمع کرنا شروع کر دیے ہیں۔ اس سے قبل حولون یہودی بستی میںایک عمارت کی سیڑھیوں میں پائپ بم پھٹ گیا۔ دھماکے سے مادی نقصان ہوا لیکن کوئی جانی نقصان نہیں ہوا۔