کراچی (اسٹاف رپورٹر) کراچی کے نیشنل کوچنگ سینٹر میں سندھ باکسنگ کنوینشن آج 3 بجے منعقد ہوگا۔پاکستان باکسنگ کے علی اکبر شاہ قادری کی سربراہی میں قائم انٹرنیشنل ITO محمد اکرم خان، اولمپک باکسنگ ریفری جج غلام حسین پٹنی،ایشین چمپیئن و انٹرنیشنل کوچ علی بخش بلوچ،عبدالمجید بروھی،اولمپیئن باکسر ،ایشین چمپئن و ایشین گیمز گولڈ مڈلسٹ مہراللہ لاسی ،دوست محمد بھٹو پر مشتمل کمیٹی نے پورے سندھ اولمپیئن، انٹرنیشنل و نیشنل سابق باکسرو ں ، اولمپک،انٹرنیشنل و نیشنل ریفری ججز، آفیشلز، کلب لیول تا انٹرنیشنل لیول کے باکسنگ کوچز کو شرکت کی دعوت دی ہے۔علی اکبر شاہ نے کہا ہے کہ ہم نے حکومتی و سیاسی ذمے داران کو بحیثیت آبزرور شرکت کی دعوت دی ہے تاکہ سندھ باکسنگ کنوینشن میں منظور ہونے والی متفقہ قراردادوں و اپیل کو شرکاء کی دستخط کے ساتھ متعلقہ اداروں تک پہنچایا جاسکے۔