کراچی: جماعت اسلامی کے رکن سندھ اسمبلی سید عبدالرشید کا کہنا ہے کہ سندھ حکومت نصاب تعلیم کو سیکولر کرنے کی سازش کر رہی ہے۔
سندھ اسمبلی کے اجلاس سے ایم پی اے عبد الرشید نے احتجاجاً واک آؤٹ کر دیا۔ ان کا کہنا تھا کہ قرآن کریم کی لازمی تعلیم سے متعلق قرار داد ایجنڈے پر ہونے کے باوجود نہیں لانے دی گئی۔
عبد الرشید نے کہا کہ آوٹ آف ٹرن قرآن کی تعلیم کو روکنے کے لیے نند کمار کو موقع دیا گیا، پیپلز پارٹی حکومت نصاب تعلیم کو سیکولر کرنے کی سازش کر رہی ہے۔
انہوں نے کہا کہ قواعد و ضوابط پر اسمبلی میں عمل نہیں کیا جا رہا، ایک سال سے بل جمع ہے، سندھ کی حکومت عوام دشمن ہے۔