اسلام آباد(آئی این پی)وزیر اطلاعات سندھ سعید غنی نے کہا ہے کہ پیکا قانون میں ترمیم انتہائی خطرناک ہے،پیکا قانون میں ترمیم زبان بندی کی کوشش ہے،کسی پر بھی فیک نیوز کا الزام لگا کر ان کو پکڑا جاسکتا ہے، ملکی تاریخ میں جھوٹی خبریں پی ٹی آئی سے زیادہ کسی نے نہیں پھیلائیں۔ان خیالات کا اظہار انہوں نے پریس کانفرنس سے خطاب کرتے ہوئے کیا۔ان کا کہنا تھا کہ اس قانون کو 2013ء سے لاگو کریں اور دیکھیں کے اب تک جس نے غلط خبریں پھیلائی ہیں ان کے خلاف کارروائی کریں۔انہوں نے مزید کہا کہ جب تک یہ حکومت رہے گی ہر مہینے پیٹرول، سبزی، بجلی اور دیگر اشیا کی قیمتوں میں اضافہ ہوگا،27 فروری کو کراچی سے نکلیں گے تو پی ٹی آئی حکومت کا خاتمہ ہوگا۔
