کراچی (اسٹاف رپورٹر) پی ایس ایل کے 7 ویں ایڈیشن کی کامیابی پر پی سی بی کے چیئرمین رمیز راجا اور میڈیا ہیڈ سمیع برنی سمیت ان کی پوری ٹیم مبارکباد کے مستحق ہے۔ اسپورٹس جرنلسٹس ایسوسی ایشن آف کراچی (سجاک) کے کنوینر سید وزیر علی قادری نے کہا ہے کہ نامساعد حالات کے باوجود پاکستان سپر لیگ کا شاندار و کامیاب انعقاد سے دنیا میں اچھا تاثر جائے گا۔ اور امید ہے کہ میڈیا پیڈ سمیع برنی کی سربراہی میں پاک آسٹریلیا کرکٹ سیریز میں میڈیا ٹیم بہترین کارکردگی کو جاری رکھتے ہوئے اسپورٹس سے وابستہ صحافیوں کو خدمات پیش کرکے ان کے دل جیت لے گی۔