لاہور(مانیٹرنگ ڈیسک)مسلم لیگ(ن)کی نائب صدر مریم نواز نے وزیر اعظم عمران خان پر کڑی تنقید کرتے ہوئے کہا ہے کہ اقتدار ہاتھ سے جاتا دیکھ کر انسان کس طرح ذہنی توازن کھو بیٹھتا ہے، اللہ پاکستان کو آپ کے شر سے محفوظ رکھے۔ ٹوئٹر پر ایک پیغام میں انہوں نے کہا کہ اقتدار ہاتھ سے جاتا دیکھ کر انسان کس طرح ذہنی توازن کھو بیٹھتا ہے، اس کو نہ اخلاقی اقدار نہ دشمنی کا ظرف ہوتا ہے نہ اپنے عہدے کی عزت کا کوئی پاس ہوتا ہے۔پہلے اس(وزیراعظم عمران خان)نے سب کو گالیاں دیں اور پھر کہا ریاست مدینہ کی بنیاد اخلاقیا ت تھی، اللہ پاکستان کو آپ کے شر سے محفوظ رکھے۔