پشاور(جسارت نیوز)صوبائی ا سپورٹس ڈائریکٹریٹ نے انڈر 21 فیمیل کے حالیہ مقابلوں میںنمایاں پوزیشن حاصل کرنے والی ٹیموں میں انعامات کی تقسیم کا عمل شروع کردیا اور متعلقہ ڈسٹرکٹ اسپورٹس آفیسر ز کو انعامی رقم کا چیک جاری کردیا گیا ہے تاکہ وہ اپنے علاقے میں ٹاپ اور سیکنڈ پوزیشن پر آنیوالی ٹیموں کو ایک لاکھ 10 ہزار اور 55ہزار روپے کی انعامی رقم جاری کریں۔ اسپورٹس ڈائریکٹریٹ کے زرائع کے مطابق ونرز اور رنر اپ کیلئے رقم متعلقہ ڈی ایس اوزکو چیک کے ذریعے دیدی گئی ہیں قبل ازیں یہ تقریب سپورٹس ڈائریکٹریٹ خیبر پختونخوا میں31مارچ کو منعقد کی جانی تھی تاہم بعض اضلاع میں انتخابات کی وجہ سے یہ سلسلہ نہیں ہوسکا اور اب اضلاع کی سطح پر رقم دیدی جائیگی۔