چنائے (انٹرنیشنل ڈیسک) بھارتی ریاست تمل ناڈو میں ہندوؤں کے مذہبی جلوس میں کرنٹ لگنے سے 11افراد ہلاک ہوگئے۔ خبررساں اداروں کے مطابق جلوس کے دوران علامتی بت ہائی ٹینشن تاروں سے ٹکرا گیا،جس کے باعث وہاں موجود افراد کو کرنٹ کا شدید جھٹکا لگا۔ مرنے والوں میں 3بچے بھی شامل ہیں۔ حادثے کے بعد 10افراد موقع پر ہی دم توڑ گئے۔ جھلسنے والے 13 دیگر افراد تنجاور میڈیکل کالج اسپتال لے جایا گیا،جہاں ایک بچہ ہلاک ہوگیا۔ حکام کا کہنا ہے کہ ایک زخمی کی حالت نازک ہے۔