اسلام آباد: الیکشن کمیشن آف پاکستان نے سابق وزیراعظم اور چیئرمین پی ٹی آئی عمران خان کے بینک اکاؤنٹس کی تفصیلات اسٹیٹ بینک سےطلب کرلی ہیں۔
نجی ٹی وی کے مطابق سابق وزیرا عظم کے توشہ خانہ سے لیے گئے تحائف مالی گوشواروں میں ظاہر نہ کرنے کے معاملے پر الیکشن کمیشن نے توشہ خانہ ریفرنس میں اسٹیٹ بینک سے عمران خان کے بینک اکاؤنٹس کی تفصیلات مانگی گئی ہیں۔
ذرئع الیکشن کمیشن کے مطابق اسٹیٹ بینک کو عمران خان کے بینک کھاتوں کی تفصیلات فراہم کرنے کے لیے باضابطہ خط لکھ دیا گیا ہے۔تفصیلات ملنے کے بعد الیکشن کمیشن اکاؤنٹس کا جائزہ لے گا اور بعد ازاں اس بنیاد پر توشہ خانہ ریفرنس کا محفوظ فیصلہ سنایا جائے گا۔
