اسلام آ باد: اقتصادی رابطہ کمیٹی نے کھاد پلانٹس کو مقامی گیس فراہم کرنے کی منظوری دیدی۔
وفاقی وزیر خزانہ اسحاق ڈار کی زیر صدارت اقتصادی رابطہ کمیٹی کا اجلاس ہوا، جس میں خریف کی فصل سمیت دیگر امور پر تبادلہ خیال کیا گیا۔
ای سی سی نے کھاد پلانٹس کو مقامی گیس فراہم کرنے کی منظوری دیدی۔ وزارت خزانہ کا کہنا ہے کہ اس فیصلے کا مقصد خریف کی فصل کیلئے یوریا کھاد کی ضروریات پوری کرنا ہے۔
واضح رہے کہ گزشتہ سال شدید بارشوں اور سیلاب کے باعث ملک بھر میں فصلوں کو شدید نقصان پہنچا تھا۔