لاہور کی انسداد دہشت گردی کی خصوصی عدالت نے زمان پارک میں پولیس پر پٹرول بم پھینکے ،جلاﺅ گھیراﺅ اورتوڑ پھوڑ کے مقدمہ میں پاکستان تحریک انصاف کے رہنماﺅں فواداحمد چوہدری ، محمد حماد اظہر ،میاں محمود الرشید ،سینیٹر اعجاز احمدچوہدری، فرخ حبیب اور عمر ایوب خان کی عبوری ضمانتیں عدم پیروی کی بنیاد پر خارج کردیں۔
انسداد دہشت گردی عدالت کے جج اعجااحمدز بٹر نے فیصلہ سنادیا۔جبکہ دوران سماعت عمرایوب کے وکیل نے مﺅقف اختیار کیا کہ ان کے موکل اسلام آباد عدالت میں مصروف ہیں ضمانت مسترد کرنے کا فیصلہ واپس لیا جائے ۔اس پر اے ٹی سی جج کا کہنا تھا کہ جس ملک میں جج اور جنرل فیصلے واپس لینا شروع کردیں اس ملک کے پلے کیا رہ جائے گا۔
اے ٹی سی جج اعجاز احمد بٹر کا مزید کہنا تھا کہ سپریم کورٹ آف پاکستان کے جسٹس سیدمنصور علی شاہ کا فیصلہ ہے لہذا فیصلہ واپس نہیں لوں گا۔