کراچی:پیپلزپارٹی کے رہنما خورشید شاہ نے کہا کہ پارلیمنٹ کی بالادستی تب ہی ہے جب ادارے اس کے ماتحت کام کریں گے۔
خورشید شاہ نے کہا کہ انتخابات کے حوالے سے بے یقینی کی کیفیت موجود ہے مگر انتخابات ضرور ہونگے، حلقہ بندیوں کی وجہ سے انتخابات دسمبر میں شاید ہوں، پاکستان میں الیکشن نہ کرانے کا ایک رواج رہا ہے ، نگران حکومت میں (ن) لیگ کے پانچ بندے بیٹھے ہیں۔
انہوں نے کہاکہ لیول پلینگ کا مطالبہ (ن) لیگ سے ہی کیا جائے گا، ہمیں لیول پلیئنگ فیلڈ دینا پڑے گا ورنہ آنے والے وقت میں یہی ذمہ دارہوں گے، کوئی فٹ بال یا ہاکی سے کھیلے ہر بندے کی اپنی اپنی چوائس ہے۔