لاہور: انسداد دہشت گردی کی عدالت نے پاکستان تحریک انصاف کی رہنما ڈاکٹر یاسمین راشد اور عمر سرفراز چیمہ اور دیگر کی ضمانتوں میں توسیع کردی۔
تفصیلات کے مطابق لاہور کی انسداد دہشت گردی کی عدالت نے سانحہ 9 مئی سے متعلق 4 مقدمات میں ڈاکٹر یاسمین، عمر سرفراز، اعجاز چوہدری اور میاں محمود الرشید کی ضمانتوں کی سماعت کی۔
اے ٹی سی کے جج ارشد جاوید چھٹی پر ہونے کے باعث کیس آگے نہ بڑھ سکا اور عدالت نے ضمانتوں میں توسیع کرتے ہوئے سماعت 12 جون تک ملتوی کردی۔
واضح رہے کہ ملزمان کے خلاف تھانہ گلبرگ، ماڈل ٹاؤن اور نصیر آباد میں مقدمہ درج ہے۔