ابوجا (انٹرنیشنل ڈیسک) نائیجیریا کی ریاست کاتسینا میں مسلح حملے میں 7 افراد ہلاک ہو گئے۔ کاتسینا ریاستی پولیس کے ترجمان ابوبکر علیو صادق نے بتایا کہ موٹر سائیکلوں پر سوار مسلح افراد نے ریاست کے میدابینو گاؤں میں فائرنگ کی۔ انہوں نے بتایا کہ حملے میں 7 افراد ہلاک اور کئی زخمی ہوئے۔ پولیس ترجمان کا کہنا تھا کہ سیکورٹی فورسز کو علاقے میں بھیج دیا گیا ہے اور اس واقعے کی تحقیقات شروع کردی گئی ہے مقامی میڈیا نے دعویٰ کیا ہے کہ حملے کے دوران درجنوں افراد کو اغوا کر لیا گیا ہے۔واضح رہے کہ نائیجیریا میں قبائل کے درمیان تنازعات کے دوران اس طرح کے واقعات عام ہیں۔