اسلام آباد: وفاقی حکومت نے کمرشل، زرعی اور بڑے صارفین کے لیے بجلی کی قیمتوں میں اضافے کی منظوری دے دی۔
وفاقی حکومت نے کمرشل، زرعی اور بڑے صارفین کے لیے بجلی کی قیمتوں میں مزید اضافے کی منظوری دے دی۔
وفاقی حکومت نے صنعتی صارفین کے لیے بجلی کا بنیادی ٹیرف برقرار رکھا ہے جبکہ کمرشل صارفین کے لیے ٹیرف 8.04 روپے فی یونٹ بڑھے گا، جس سے جولائی سے شروع ہونے والی نئی شرح 77.15 روپے فی یونٹ ہو جائے گی۔
زرعی صارفین کے لیے بنیادی ٹیرف میں 6.62 روپے فی یونٹ اضافہ ہو گا، جس کے نتیجے میں نئی شرح 46.83 روپے فی یونٹ ہو گی۔ جنرل سروسز پر 6.98 روپے فی یونٹ کا اضافہ دیکھا جائے گا، نئے ٹیرف کے ساتھ 61.03 روپے فی یونٹ کا اضافہ کیا گیا ہے۔
اس حوالے سے پاور ڈویژن کی جانب سے وفاقی کابینہ کے فیصلے سے نیپرا کو آگاہ کر دیا گیا ہے۔