پشاور: کوہاٹ کے ضلع درہ آدم خیل کے علاقے پرانا بازی خیل میں بارش کا پانی گھر کے تہہ خانے میں داخل ہو گیا، جس کے نتیجے میں ایک ہی خاندان کے 11 افراد جان کی بازی ہار گئے۔
ریسکیو ذرائع کے مطابق جاں بحق افراد گھر کے تہہ خانے میں سو رہے تھے کہ سیلابی پانی داخل ہونے سے ہلاکتیں ہوئیں۔
ریسکیو حکام نے کہا ہے کہ تہہ خانے میں ڈوب کر جاں بحق ہونے والوں میں ایک ہی خاندان کے 6 بچے، 3 خواتین اور2 مرد شامل ہیں۔
حکام کا کہنا تھا کہ اطلاع ملنے کے بعد ریسکیو ٹیم نے کارروائی کرتے ہوئے 11 افراد کو نکال کر اسپتال منتقل کر دیا۔
