ہری پور کے علاقے میں ایک دلخراش واقعہ پیش آیا، جہاں نامعلوم افراد نے گھر میں سوئے ہوئے خاندان پر چھریوں سے حملہ کر دیا۔ حملے میں باپ اور بیٹا جاں بحق ہو گئے۔
رپورٹ کے مطابق ہری پور کے علاقے میں ایک گھر میں گھس کر نامعلوم افراد نے سوئے ہوئے خاندان پر چھریوں سے حملہ کر دیا۔ حملے کے نتیجے میں 45 سالہ باپ صغیر احمد اور 23 سالہ بیٹا سفیر موقع پر ہی جاں بحق ہو گئے، جبکہ خاندان کے دیگر افراد زخمی ہو گئے۔
پولیس نے واقعے کی اطلاع ملتے ہی موقع پر پہنچ کر لاشوں کو پوسٹ مارٹم کے لیے اسپتال منتقل کر دیا اور حملہ آوروں کی تلاش شروع کر دی ہے۔ حملے کی وجوہات تاحال معلوم نہیں ہو سکیں۔