لاڑکانہ (نمائندہ جسارت) سندھ کے قدیم مقام موئن جو دڑو میں غیر ملکی سیاحوں کی آمد کا سلسلہ جاری، جبکہ جرمنی اور پولینڈ کے غیر ملکی سیاحوں کے وفد نے بھی موئن جو دڑو کا دورہ کیا۔ اسٹوپا، گریٹ باتھ، ڈی کے ایریا، میوزیم اور دیگر قدیمی جگہوں کے آثار دیکھے، غیر ملکی سیاحوں کے وفد کا موئن جو دڑو کے انچارج احسان عباسی نے استقبال کیا اور مقرر کردہ گائیڈ جاوید شیخ نے قدیم یادگاروں کے بارے میں تفصیلی بریفنگ دی، جرمنی اور پولینڈ کے وفود نے کہا کہ وہ موئن جو دڑو کو دیکھ کر بہت خوش ہیں اور ان کی مہمان نوازی بھی بہت شاندار ہے۔