سیول (انٹرنیشنل ڈیسک) جنوبی کوریا کے صدر یون سک یول نے سیاسی مخالفین کوملک دشمن عناصر قرار دیتے ہوئے اپنے مؤاخذے کے خلاف آخر دم تک مقابلے کا اعلان کردیا۔ جمعرات کے روز قوم سے خطاب کرتے ہوئے صدر یون نے کہا کہ وہ آخر تک مقابلہ کریں گے۔ ذرائع ابلاغ کے مطابق صدر یون سک یول کے خلاف 3دسمبر کو لگائے گئے مارشل لا کی تحقیقات جاری ہے۔ اس مارشل لا کو جنوبی کوریا میں کئی دہائیوں کا ایک بڑا سیاسی تنازع قرار دیا جا رہا ہے۔ صدر یون کو 2دن بعد ہفتے کے روز اپنی صدارت میں دوسری بار مواخذے کا سامنا کرنا ہوگا۔