اسلام آباد:حکومت پاکستان نے سال 2026 کے لیے سرکاری تعطیلات کا مکمل شیڈول جاری کر دیا ہے، جس میں قومی، مذہبی اور بینک تعطیلات شامل ہیں۔ شہری اور ملازمین اب نئے سال میں تعطیلات کی منصوبہ بندی کر سکتے ہیں۔
اس سال تقریباً 17 تعطیلات ہوں گی جن میں اہم مواقع شامل ہیں، یومِ کشمیر، عید الفطر، یومِ پاکستان، یومِ مزدور، عید الاضحیٰ، یومِ تکبیر، عاشورہ، یومِ آزادی، عید میلاد النبی ﷺ، یومِ اقبال، قائدِ اعظم ڈے اور کرسمس۔
اہم تعطیلات کی تفصیل درج ذیل ہے، 5 فروری (جمعرات) یومِ کشمیر، 21 تا 23 مارچ عیدِ الفطر، 23 مارچ (سوموار) یومِ پاکستان،1 مئی (جمعہ) – یومِ مزدور،27 تا 28 مئی عید الاضحیٰ، 28 مئی (جمعرات) یومِ تکبیر،25 تا 26 جون عاشورہ،14 اگست (جمعہ) – یومِ آزادی، 25 اگست (منگل) – عید میلاد النبی ﷺ، 9 نومبر (پیر) – یومِ اقبال، 25 دسمبر (جمعہ) قائدِ اعظم ڈے اور کرسمس، 26 دسمبر (ہفتہ) – کرسمس کے بعد چھٹی (صرف مسیحی ملازمین کے لیے)
رپورٹس کے مطابق کچھ مذہبی تعطیلات چاند کی رویت پر منحصر ہونے کی وجہ سے تاریخوں میں معمولی تبدیلیاں ہو سکتی ہیں۔ شہریوں اور دفاتر کو ہدایت کی گئی ہے کہ حتمی سرکاری نوٹیفیکیشن کے بعد ہی اپنی تعطیلات کی منصوبہ بندی کو حتمی شکل دیں۔
