علی امین گنڈاپور کی سکیورٹی واپس لینے کی خبریں مسترد کر دی گئی ہیں۔
ڈیرہ اسماعیل خان پولیس کے مطابق سابق وزیراعلیٰ کی سکیورٹی پر مجموعی طور پر 77 اہلکار تعینات ہیں، جن میں 58 سکیورٹی ونگ، 12 ایف آر پی اہلکار اور 7 ریگولر پولیس اہلکار شامل ہیں۔
سابق وزیراعلیٰ کے ترجمان نے کہا کہ علی امین کے سکیورٹی خدشات کے پیش نظر صوبائی حکومت نے انہیں گاڑیاں اور جیمر فراہم کیے تھے، اور اگر ان کے استعمال پر کوئی پابندی ہوتی تو پہلے اطلاع دی جاتی۔ اچانک جیمر اور گاڑیاں واپس لینا سمجھ سے بالاتر ہے۔
دوسری جانب سرکاری ذرائع نے وضاحت کی کہ وزیراعلیٰ سہیل آفریدی کے استعمال کے لیے صرف ایک جیمر دستیاب تھا، اور ضرورت پڑنے پر علی امین سے اضافی جیمر اور گاڑیاں واپس لی گئی ہیں۔