پاکستانی اداکارہ مومنہ اقبال کی بہن نے بھی لیگی ایم پی سے چدھڑ کیخلاف این سی سی آئی اے میں درخواست دائر کرنے کا اعلان کرتے ہوئے کہا ہے کہ مریم نواز کے غیرجانبدار رویے کی وجہ سے ثاقب چدھڑ کیخلاف ایف آئی آر درج ہوئی اور اس نے ہمارے الزامات کو سچ ثابت کردیا ہے۔
تفصیلات کے مطابق مومنہ اقبال کی بہن رمشا اقبال نے میڈیا سے گفتگو کرتے ہوئے کہا کہ مومنہ اقبال کے نکاح کی سب کو مبارک دیتی ہوں، ہمارے لیے یہ بڑی کامیابی ہے کہ این سی سی اے نے لیگی ایم پی اے ثاقب چدھڑ کیخلاف ایف آئی آر درج کرلی ہے۔
انہوں نے کہا کہ این سی سی اے میں ایف آئی آر درج ہونا کوئی عام بات نہیں، اس پر میں مریم نواز کا شکریہ ادا کرنا چاہتی ہوں جنہوں نے نیوٹرل کارروائی کے احکامات دئیے۔
رمشا اقبال نے کہا کہ میں نے میڈیا پر کوئی بھی ایسی بات نہیں کی جو ثابت نہ کرسکوں، این سی سی اے نے ثابت کردیا ہمارے الزام سچ ہیں اور اب سوموار کو ایک نئی درخواست جمع کرواں گی۔
انہوں نے کہا کہ میں ہرگز پیچھے نہیں ہٹوں گی اور ثاقب چدھڑ اب اپنے لگائے گئے الزامات کو ثابت کریں اور کروڑوں روپے جن کا انہوں نے دعویٰ کیا کہ ہمیں واپس دینے ہیں اس کے ثبوت سامنے لے کر آئیں۔
مومنہ اقبال اور حمزہ حبیب کے نکاح فوٹو شوٹ کی دلکش تصاویر وائرل
مومنہ اقبال کی مہندی کی تصاویر اور ویڈیوز وائرل، شوہر کے نام محبت بھرا پیغام
لیگی کارکن پر ہراسانی کا الزام لگانے والی مومنہ اقبال نے خاموشی سے نکاح کرلیا
رمشا اقبال نے دعویٰ کیا کہ ثاقب چدھڑ نے دھمکیاں دیں کہ نکاح نہیں کرنا ورنہ قتل کروا دوں گا، یہ دھمکی آمیز وائس نوٹ مجھے اور مومنہ کو بھیجے گئے۔
اداکارہ کی بہن نے این سی سی آئی اے کی تفتیش پر عدم اعتماد کا اظہار کرتے ہوئے کہا کہ ثاقب چدھڑ سے اس طرح سے سوالات نہیں ہوچھے گے جس طرح کے الزامات ان پر لگائے گئے، الٹا ہمیں ہی کٹہرے میں کھڑا کیا گیا۔
انہوں نے الزام عائد کیا کہ سوشل میڈیا پرمومنہ اور میرے خلاف مہم چلائی گئی جس میں ایسے ایسے سوال پوچھے جارہے ہیں کہ ہمارا کھڑا ہونا مشکل بنا ہوگیا ہے۔
رمشا اقبال نے کہا کہ ثاقب چدھڑ کے وکیل ایڈوکیٹ میاں اشفاق نے میرے اور مومنہ پر جو الزامات لگائے وہ ثابت کریں۔