راولپنڈی(اے پی پی) پاک فوج کے سربراہ جنرل قمر جاوید باجوہ نے کہا ہے کہ قائداعظم کا پاکستان بنانے کے لیے دو قومی نظریہ حقیقت بن گیا ہے، قیام پاکستان کے لیے ہم قائد کا جتنا شکریہ ادا کریں کم ہے۔ پاک فوج کے شعبہ تعلقات عامہ (آئی ایس پی آر) کے میجر جنرل آصف غفور کے مطابق جنرل قمر جاوید باجوہ نے قائداعظم محمد علی جناح کے مزار پر حاضری دی اور مزار پر پھول چڑھائے۔ اس موقع پر آرمی چیف نے کہا کہ مشکل دور میں اقلیتوں سمیت تمام پاکستانی متحد رہیں، قائداعظم کا ویژن ہمیشہ ہماری رہنمائی کرتا رہے گا، قائد کے ویژن اتحاد، ایمان، تنظیم پر چل کر ملک کو آگے لے جایا جا سکتا ہے۔
