کراچی (اسٹاف رپورٹر) کراچی واٹر اینڈ سیوریج بورڈ میں نئے بورڈ کی دوبارہ تشکیل کا معاملہ، شہری محمود اختر نقوی نے حکومتی نوٹیفکیشن کو سندھ ہائیکورٹ میں چیلنج کر دیا۔ سندھ ہائی کورٹ میں دائر درخواست میں موقف اختیار کیا گیا ہے کہ چیف سیکرٹری نے 7 اکتوبر 2019ء کو ایک نوٹیفکیشن کے ذریعے نیا بورڈ تشکیل دیا، بورڈ میں 7 سرکاری جبکہ 7 غیر حکومتی افراد کو شامل کیا گیا، واٹر بورڈ انتہائی حساس محکمہ ہے غیر حکومتی افراد کو شامل کرنے سے سیکورٹی رسک ہوسکتا ہے حکومتی اقدام کو غیر آئینی اور نوٹیفکیشن کالعدم قرار دیا جائے۔
