کابل (انٹرنیشنل ڈیسک) یورپی ممالک نے افغان مہاجرین کی ملک بدریوں کا سلسلہ دوبارہ شروع کر دیا۔ بین الاقوامی ذرائع ابلاغ کے مطابق جرمنی، آسٹریا، سوئیڈن، بلغاریااور ہنگری افغان مہاجرین کو بے دخل کرنے ممالک میں سرفہرست ہیں۔ پناہ کی درخواستوں کو رد کیے جانے کے بعد بدھ کے روز 11 مہاجرین کا ایک گروہ بلغاریا سے کابل پہنچا۔ افغان حکام نے بتایا کہ سوئیڈن سے بھی ایک پرواز روانہ ہونی تھی، تاہم احتجاج کی وجہ سے اس میں تاخیر ہوگئی۔
