غازی آباد – بھارت میں کورونا وائرس کی حالت ابھی تک ٹھیک نہیں ہوسکی ہے کہ بلیک اور وہائٹ فنگس کے بعد اب ییلو فنگس نے بھی دستک دے دی ہے۔ غازی آباد میں ییلو فنگس کے مریض کی تصدیق ہوگئی ہے۔
ای این ٹی کے ماہر بی پی تیاگی کا دعوی ہے کہ ان کے اسپتال میں ییلو فنگس کا ایک مریض ہے ، جس کا علاج چل رہا ہے۔
اس وقت غازی آباد کے ہرش اسپتال میں 45 سالہ مریض زیر علاج ہے جو بلیک اور وہائیٹ فنگس کے ساتھ ساتھ ییلو فنگس کا بھی شکار ہے۔
پروفیسر تیاگی نے کہا ، اگرچہ مریض ابتدائی معائنے کے بعد وہ عام نظر آتا تھا ، لیکن دوسرے ٹیسٹ کے بعد پتہ چلا کہ مریض بلیک اور وہائٹ کے ساتھ ساتھ ییلو فنگس کا بھی شکا ر ہے ۔ ڈاکٹر تیاگی کے مطابق بیماری کی علامات میں بھوک کم ہونا، جسم میں سستی ، وزن کم ہونا شامل ہے۔
اس بیماری سے بچنے کے لئے حفظان صحت بہت ضروری ہے کیونکہ گندگی انفیکشن کو پھیلاتی ہے۔ جتنا آپ اپنے آس پاس کے ماحول کو صاف ستھرا رکھیں گے اسی قدر آپ اس بیماری سے محفوظ رہ سکتے ہیں۔
