اطلاع کے مطابق انخلاء کی تکمیل کے بعد امریکہ سفارتی عملے کے تحفظ کے زیر مقصد افغانستان میں لگ بھگ 650 فوجی چھوڑ دے گا۔
اس کے علاوہ امریکی محکمہ دفاع کے عہدیداروں نے اے پی کو ایک بیان میں کہا ہے کہ کابل بین الاقوامی ہوائی اڈے کے تحفظ میں ترک مسلح افواج کی مدد کے لئے کئی سو امریکی فوجیوں کو ماہِ ستمبر تک اس ملک میں قیام کروانے کی منصوبہ بندی کی گئی ہے۔
حکام نے بتایا ہے کہ ترکی کے ساتھ بات چیت کے دوران، ہوائی اڈے پر ایک اینٹی راکٹ میزائل سسٹم اور مارٹر نظام (سی ۔رام) اور اس نظام کو کنٹرول کرنے والے اہلکاروں کی تعیناتی پر اتفاق قائم ہو گیاہے۔
حکام نے ترکی کے ساتھ امریکہ کے تعاون کی شرط پر کابل ہوائی اڈے کی حفاظت کے فرائض کو سپرد کرنے کے معاملے میں کافی حد تک مطابقت قائم ہونے کا دعوی کرتے ہوئے کہا ہے کہ متحدہ امریکہ اور ترک فوجی حکام اس ہفتے کےد وران انقرہ میں ایک اجلاس کے بعد اس معاملے پر معاہدے کو حتمی شکل دیں گے۔
