ترکی کے صدر رجب طیب ایردوان خصوصی طیارے "TUR” کے ذریعے ٹوگو کے دارالحکومت لومے پہنچ گئے ہیں۔
لومے کے گناسینگبو ایادیمے بین الاقوامی ہوائی اڈے پہنچنے پر ٹوگو کے صدر فاورے ایسوزمنا گناسنگبے نے صدر رجب طیب ایردوان کا خیر مقدم کیا۔
صدر ایردوان نے کل انگولا سے اپنے 4 روزہ دورہ افریقہ کا آغاز کیا، ٹوگو اس دورے میں شامل دوسرا ملک ہے۔
اس ملک کا پہلا سرکاری دورہ وزیر خارجہ میولود چاوش اولو نے 20 جولائی 2020 میں کیا۔ ٹوگو میں ترکی کا سفارت خانہ بھی یکم اپریل 2021 کو کھولا گیا تھا۔
