کراچی(اسٹاف رپورٹر)تعلیم کے ساتھ ساتھ کھیلوں کا انعقاد ضروری ہے ۔ ان خیالات کا اظہار سندھ آفیسر ایسوسی ایشن کے جوائنٹ انچارج نوید انور صدیقی نے الفا ہائی انٹر اسکول کرکٹ ٹورنامنٹ کی افتتاحی تقریب کے بحیثیت مہمان خصوصی خطاب کرتے ہوئے کہی۔ اس موقع پر ایڈیشنل ڈائریکٹر اسپورٹس کے ڈی اے ایاز منشی اسپورٹس آرگنائزر ایم نسیم انٹرنیشنل باسکٹ بال کوچ جاوید خان نایاب مالک اور ایونٹ کے میڈیا کوآرڈینیٹر کاشف فاروقی بھی موجود تھے ۔نوید انور صدیقی نے کہا کہ گراس روٹ لیول سے بچوں کو سیکھنے کا موقع ملتا ہے اور آگے چل کر یہی کھیل سے ملک و قوم کا نام روشن کرتے ہیں، مہمان خصوصی نے الفا فاؤنڈیشن کی کھیلوں کی سرگرمیوں کو سہراہاآخر میں مہمان خصوصی نے گیند کو ہٹ لگا کر ٹورنامنٹ کا باضابطہ افتتاح کیا۔
