لاہور کی انسدادِ دہشت گردی کی عدالت نے غیر قانونی فنڈنگ کیسز میں کالعدم جماعت الدعوۃ کے سربراہ حافظ سعید کو31 برس قیدکی سزا سنا دی۔
لاہور کی انسدادِ دہشت گری کی عدالت کے جج اعجاز بٹر نے فیصلہ سنایا۔
حافظ سعید کو مجموعی طور پر 2 مقدمات میں 31 برس قید کی سزا سنائی گئی ہے۔
کالعدم جماعت الدعوۃ کے سربراہ حافظ سعید پر مجموعی طور پر 3 لاکھ 40 ہزار روپے جرمانہ بھی عائد کیا گیا ہے۔
واضح رہے کہ حافظ سعید و دیگر ملزمان کے خلاف اس سے قبل بھی سزائیں سنائی جا چکی ہیں۔
محکمۂ انسدادِ دہشت گردی (سی ٹی ڈی) نے ملزمان کے خلاف مختلف شہروں میں 41 ایف آئی آرز درج کر رکھی ہیں۔
