سان جوز(انٹرنیشنل ڈیسک) وسطی امریکا کے ملک کوسٹا ریکا میں کارگو طیارہ ہنگامی لینڈنگ کے دوران 2 ٹکڑے ہوگیا۔ خبررساں اداروں کے مطابق سان جوز ایرپورٹ سے اڑان بھرنے والے بوئنگ کارگو طیارے نے 25منٹ بعد فنی خرابی کی اطلاع دیتے ہوئے ایرپورٹ پرواپس لینڈنگ کی کوشش کی۔ اس دوران طیارہ دوحصوں میں تقسیم ہوگیا۔ ایرپورٹ انتظامیہ نے بروقت کارروائی کرتے ہوئے طیارے کے عملے کوبحفاظت نکال کرطیارے کوآگ کی لپیٹ میں آنے سے بچا لیا۔حادثے کی وڈیو بھی سامنے آگئی ہے۔
