نیویارک (انٹرنیشنل ڈیسک) امریکی پولیس نے نیویارک کے بروکلین سب وے اسٹیشن میں فائرنگ کرنے والے حملہ آور کی تصویر جاری کردی۔ ذرائع ابلاغ کے مطابق پولیس نے اسے دہشت گردی کا واقعہ قرار نہیں دیا اور ملزم کی تلاش میں مختلف مقامات پر چھاپے مار ے جارہے ہیں۔ فائرنگ کا واقعہ منگل کے روز سن سیٹ پارک کے علاقے میں 36اسٹریٹ اسٹیشن پر پیش آیا تھا۔ مشتبہ شخص کی شناخت 62سالہ فرینک جیمز کے طورپر کی گئی ہے۔ کارروائی میں 17افراد زخمی ہوگئے تھے،جن میں چند کی حالت تشویشناک ہے۔
