مسلم لیگ (ن) کی نائب صدر مریم نواز کو وی آئی پی سیکیورٹی دینے کا فیصلہ کیا گیا ہے۔ تھریٹ اسسمنٹ کمیٹی کی سفارش پر وزارت داخلہ نے منظوری دے دی۔
تھریٹ اسسمنٹ کمیٹی نے بتایا ہے کہ مریم نواز کو پولیس فورس کے ساتھ رینجرز اہلکاروں کی سیکیورٹی بھی دی جائے گی۔ مریم نواز کو اسلام آباد میں وفاقی پولیس اور رینجرز کی سیکیورٹی حاصل ہوگی جبکہ دوسرے صوبوں کے اضلاع میں متعلقہ پولیس سیکیورٹی فراہم کی جائے گی۔
اس کےعلاوہ مریم نواز کی رہائش گاہوں پربھی سیکیورٹی فراہم کرنے کا بھی فیصلہ کیا گیا ہے۔ مریم نواز کو سیکیورٹی بطور نائب صدر مسلم لیگ (ن) دی جا رہی ہے۔
ذرائع کا کہنا ہے کہ مریم نواز کو اسلام آباد میں وفاقی پولیس اور رینجرز کی سکیورٹی ہمہ وقت حاصل ہوگی۔
