اوکاڑہ: وزیر اعلیٰ پنجاب میاں حمزہ شہباز نے کہا ہے کہ عوام عمران خان کے دھرنوں، جلسوں، جلوسوں اور انتشار کی سیاست کو لا ل جھنڈی دکھاتے رہیں گے، عوام نے تحریک انصاف کو مسترد کر دیا،ان خیالات کا اظہار انہوں نے ممبر پنجاب اسمبلی چوہدری زاہد اکرم سے ملاقات کے دوران کیا، میاں حمزہ شہباز نے کہا کہ سابقہ دور حکومت میں عمران خان کی غلط پالیسیوں اور ریکارڈ قرضوں کے حصول اور کرپشن کی وجہ سے ملکی معیشت تباہ ہوگئی مہنگائی کا طوفان آگیا تھا، معیشت کی سمت کو درست جانب گامزن کیا جا چکا ہے بیرونی سرمایہ کار اب دوبارہ پاکستان میں سرمایہ کاری کر رہے ہیں جلد ان معاشی بحرانوں پر قابو پالیا جائے گا، میاں حمزہ شہباز نے کہاکہ عمران خان کوحالات کا پتہ چل گیا ہے کہ عوام ان کے ساتھ نہیں ہیں،انہوں نے کہا کہ ماضی کی طرح اب بھی پاکستان کی خوشحالی ،استحکام اور ترقی کی راہ میں آنے والی ہر دیوار کو مسمار کر دیا جائے گا ،عمران خان کے تخریبی عناصر کو ایک بار پھر مایوسیوں کاسامنا کرنا پڑے گا ۔
