وزیر اعظم شہباز شریف کی زیرِ صدارت ہنگامی اجلاس منعقد کیا گیا۔
وزیر اعظم نے ملک میں جاری بدترین لوڈشیڈنگ پر اظہار برہمی کرتے ہوئے وزیرِ توانائی اور اعلی حکام کو فوری طور پر طلب کرلیا۔
ذرائع کے مطابق وزیر اعظم کی زیرصدارت اجلاس میں ملک میں لوڈشیڈنگ کی صورتحال پر غور جاری ہے، جب کہ لوڈشیڈنگ کی وجوہات، محرکات اور اس کے سدباب کے لئے اقدامات کا جائزہ لیا جارہا ہے۔
وزیر اعظم نے متعلقہ وزرا اور افسران پر برہمی کا اظہار کرتے ہوئے کہا کہ کچھ بھی کریں دن میں دو گھنٹے سے زیادہ لوڈ شیڈنگ کے علاوہ کچھ برداشت نہیں۔ انہوں نے وزرا اور حکام کی وضاحتیں مسترد کردیں اور کہا کہ عوام کو مشکل سے نکالیں، کوئی وضاحت نہیں چاہیے، مجھے وضاحتیں نہیں عوام کے مسئلے کا حل چاہیے، عوام تکلیف میں ہوں اس پر کوئی سمجھوتہ نہیں ہو گا۔
