پاکستان مسلم لیگ ن کی نائب صدر مریم نواز شریف نے عمران خان پر طنز کرتے ہوئے کہا ہے کہ یہ شخص نیند میں بھی نیوٹرل نیوٹرل کا راگ الاپا کرے گا۔
سماجی رابطوں کی ویب سائٹ ٹویٹر پر اپنے طنزیہ بیان میں مریم نواز نے لکھا کہ عمران خان بڑبڑایا کرے گا کہ شہباز شریف نے سفیر کو کیک کھلایا، شہباز شریف نے شیروانی پہن لی۔ شہباز شریف وزیر اعظم بن گیا۔ خرم دستگیر نے یہ کہ دیا۔ امریکہ نے سازش کر دی۔ دھاندلی ہو گئی۔
نیند میں بھی نیوٹرل نیوٹرل کا راگ الاپا کرے گا، بڑبڑایا کرے گا کہ شہباز شریف نے سفیر کو کیک کھلایا، شہباز شریف نے شیروانی پہن لی، شہباز شریف وزیر اعظم بن گیا۔ خرم دستگیر نے یہ کہ دیا۔ امریکہ نے سازش کر دی۔ دھاندلی ہو گئی۔ قسم سے اسکی ذہنی حالت پر ترس آنے لگا ہے 😂 https://t.co/xTxGMh8RLb
— Maryam Nawaz Sharif (@MaryamNSharif) June 22, 2022
مریم نواز نے کہا کہ قسم سے اس کی ذہنی حالت پر ترس آنے لگا ہے۔ بہت گہرا اور ناقابلِ تلافی صدمہ پہنچا ہے بیچارے کو۔ جتنی محنت اس نے شہباز شریف پر جھوٹے کیسز بنا کر ان کو فاؤل پلے کے ذریعے میدان سے آئوٹ کرنے پر کی تھی، اللّہ نے وہ چال اسی پر الٹ دی۔
ان کا کہنا تھا کہ اسی حسد اور صدمے میں اب اس کی باقی زندگی بھی گزرنے والی ہے انشاء اللّہ! عادت ڈال لو!
