پیرس: فیٹف (فنانشل ایکشن ٹاسک فورس) نے یوکرین پر جنگ مسلط کرنے پر روس کے خلاف نئی پابندیاں عائد کر دیں۔
عالمی خبر رساں اداروں کے مطابق پیرس میں ایک پریس کانفرنس سے خطاب میں فیٹف کے چیئرمین ٹی راجا کمار نے روس کی یوکرین پر فوج کشی کی مذمت کرتے ہوئے نئی پابندیوں کا اعلان کیا۔انہوں نے کہا کہ روس کو نہ صرف موجودہ اور مستقبل کے منصوبوں میں حصہ لینے سے روک دیا گیا ہے بلکہ علاقائی اداروں کے اجلاسوں میں شرکت کرنے پر بھی عائد کردی۔
چیئرمین فیٹف نے کہا کہ جون میں روس کے ادارے میں قائدانہ کردار کو ختم کردیا گیا تھا تاہم اس کے باجود یوکرین میں فوج کشی جاری رہی جس کی وجہ سے اس کے خلاف مزید پابندیاں عائد کی گئی ہیں۔ روس کی یوکرین میں کارروائیاں فیٹف کے اُن بنیادی اصولوں کی خلاف ورزی ہیں جن کا مقصد مالیاتی نظام کی سلامتی، حفاظت اور سالمیت کو فروغ دینا ہے۔
