ممبئی: بھارتی سیاسی رہنما بابا صدیقی اور ذیشان صدیقی کی جانب سے کی گئی افطار پارٹی میں بالی ووڈ کے بڑے بڑے اسٹارز نے شرکت کرکے تقریب کو چار چاند لگا دیئے۔
ممبئی ریجنل کانگریس کمیٹی کے چیئرپرسن بابا صدیقی ہر سال افطار پارٹی کا اہتمام کرتے ہیں جس میں سیاسی سماجی شخصیات سمیت بالی ووڈ اسٹارز بھی شامل ہوتے ہیں۔
اس مرتبہ بھی اس شاندار افطار پارٹی میں سلمان خان، سیف علی خان، عمران ہاشمی، سنیل شیٹی، پوجا ہیج، پریتی زنٹا، ریتیش دیش مکھ سمیت کئی ٹی وی اسٹارز اور بی ٹاؤن اسٹارز نے شرکت کی جن کی تصاویر اور ویڈیوز سوشل میڈیا پر وائرل ہو رہی ہیں۔
#CelebWatch | Salman Khan, Preity Zinta And Other Celebs At Baba Siddique’s Iftar Party pic.twitter.com/AiejkLu4KD
— NDTV Videos (@ndtvvideos) April 17, 2023
بابا صدیقی کا کہنا ہے کہ وہ اس افطار پارٹی کا اہتمام صرف مسلمان دوستوں کیلئے نہیں بلکہ ہر مذہب اور عقیدے سے تعلق رکھنے والے افراد کیلئے کرتے ہیں۔
یاد رہے کہ گزشتہ 2 برس سے بابا صدیقی کورونا کی وجہ سے اپنی مشہور افطار پارٹی کا اہتمام نہیں کر سکے تھے۔ وہ سالوں سے بڑے پیمانے پر اس افطار کا اہتمام کر رہے ہیں جو ان کی شہرت کی وجہ بن گئی ہے۔
