لاہور:پاکستان تحریک انصاف کے سیکرٹری جنرل اسد عمر نے کہا ہے کہ بلاول نے بھارت جا کر دنیا میں پاکستان کو شرمندہ کیا۔
لاہور کی انسداد دہشتگردی عدالت کے باہر میڈیا سے گفتگو کرتے ہوئے پی ٹی آئی رہنما اسد عمر نے وزیر خارجہ بلاول بھٹو زرداری کے دورہ بھارت پر تنقید کرتے ہوئے کہا کہ بلاول بھارت سے ذلت کما کر لانے کے سوا کیا لائے ہیں، ان کے جانے کے باوجود بھارت نے ہاتھ ملانے سے انکار کر دیا۔
ان کا کہنا تھا کہ بلاول نے بھارت جا کر دنیا میں پاکستان کو شرمندہ کیا، بلاول نے بھارت کے تابعدار ہونے کا ثبوت دیا ہے۔
انہوں نے کہا کہ عمران خان نے ججز کے فیصلے کے بعد تنقید نہیں کی ملک میں آئین نہیں ہوگا تو ملک نہیں چل سکے گا، آئین کو توڑا جا رہا تو ملکی سلامتی کیلئے خطرہ پیدا کیا جا رہا ہے۔
